15 сен 17:17
Янгиликлар

Бокс/ММА

Арман Царукян: "UFC чемпионлик камарини пулга сотиб олиб бўлмайди"

Ҳали чемпион бўлмаганига қарамай, Арман Царукян дунёнинг энг кучли лигасидаги энг бадавлат жангчилар қаторига киради.

Бироқ россиялик енгил вазнли спортчи ўзининг барча моддий бойликларини UFC чемпионлик камарига алмаштиришга тайёр.

"UFC чемпионлик камарини пулга сотиб олиб бўлмайди. Дунёда миллиардерлар кўп, лекин уларда UFC чемпионлик камари йўқ. Мен UFC титули учун боримни берган бўлардим", – деди Царукян.

Агар Арман Царукян шу дам олиш куни Лос-Анжелесда бўлиб ўтадиган UFC 331 турнирида бразилиялик Маурисио Руффи устидан ғалаба қозонса, енгил вазн тоифасидаги чемпионлик жанги учун имкониятини максимал даражада яқинлаштиради.

Айни дамда 29 ёшли россиялик спортчи UFC енгил вазн тоифаси рейтингида иккинчи ўринни, шунингдек, вазн тоифасидан қатъи назар, лиганинг энг яхши жангчилари рўйхатида ўн тўртинчи ўринни эгаллаб турибди.