16 дек 08:31
Янгиликлар

Бокс/ММА

Артур Бетербиев IBF камарини кимдан ҳимоя қилади?

Профессионал бокснинг ярим оғир вазн тоифасида IBF йўналиши чемпиони Артур Бетербиев ҳимоя жангини февраль ойида ўтказади.

Катта эҳтимол билан россиялик жаҳон чемпионининг рақиби америкалик Жо Смит бўлади. Чемпионлик жангининг 22 ёки 23 февраль куни ўтказилиши режалаштирилмоқда. Артурнинг промоутерларидан бири Эдди Хирн Смитнинг промоутери Жо Дегарди билан бу борада музокара ўтказди.

Ҳозирча жангнинг қаерда ўтказилиши маълум эмас. Аслида ушбу жанг Сауль Альварес рингга чиқадиган шоуда, яъни бугун тонгда Нью-Йоркда ўтказилиши белгиланганди. Лекин россиялик боксчининг жамоаси тайёргарликка кам вақт қолганлиги сабабли жанг муддатини суришган эди.

Эслатиб ўтамиз, Артур Бетербиев шу йилнинг октябрь ойида чемпионлик камарини муносиб тарзда ҳимоя қилганди. У тўртинчи раундда британиялик Каллум Жонсонни нокаутга учратган эди.