Асакада профессионал бокс оқшоми

Янгидан ташкил топган рахбарият мутассаддиларининг фидокорона мехнатлари эвазига ҳар ойда мамлакатимизнинг турли вилоятларида рейтинг жанглари ташкил этилиш баробарида профессионал бокс хавоси етиб бормаган чекка худудларда ҳам мазкур спорт турининг ривожлантириш ишлари олиб борилиши қувонарли хол албатта. Бу борада федерация биринчи вице президенти Владимир Николаевич Шин, вице президент Мухаммадқодир Абдуллаев, бош директор Набижон Исмонов, бош котиб Маҳмуд Хўжаевларнинг мехнатларини алоҳида таъкидлаб ўтиш зарур. Яқиндагина Андижон вилоятининг Хонобод шаҳрида ташкил этилган профессионал бокс кечаси мухлислар эътирофига сазовор бўлган эди.

Бугун эса шундай жанг оқшоми Асакада старт олиш арафасида. Эртага 6 март куни худудий чемпионат мақомидаги илк бор, ўзига хос рейтинг ва чемпионлик жанглари ўтказилади.
Жанг кечаси юқорида таъкидлаб ўтганимиздек, худудий мақомга эга бўлиб, унда Сирдарё ва Водийнинг ҳар уч вилояти иштирок этади. Эслатиб ўтамиз: Ҳудудий мусобақалар тўртга бўлинади.

1.Воха ҳудуди: Қашқадарё, Сурхондарё, Самарқанд, Навоий.
2. Хоразм ҳудуди: Қорақалпоғистон Республикаси, Хоразм, Бухоро.
3. Тошкент ҳудуди: Тошкент шаҳри, Тошкент вилояти Жиззах.
4. Водий ҳудуди: Сирдарё, Андижон, Наманган, Фарғона.

Жанг оқшомида қайси жуфтликлар бахс олиб бориши ва натижалар борасида ҳабардор қилиб борамиз. Сайтимизни кузатиб боринг!

Аҳмаджон Эшматов