26 сен 08:33
Янгиликлар

Футбол

Ашхобод-2017. Футзал баҳсларида ғолиб ва совриндорлар маълум

Туркманистон пойтахти Ашхобод шаҳри мезбонлик қилаётган ёпиқ иншоотлардаги Осиё ўйинлари ўзининг ҳал қилувчи палласига кирди.

Мусобақа дастуридан ўрин олган аёллар жамоалари ўртасидаги футзал баҳсларида ғолиб ва совриндорлар аниқланди. Ҳал қилувчи финал учрашувида Таиланд терма жамоаси япониялик футзалчиларни 3:1 ҳисобида мағлуб этиб, мусобақа ғолибига айланди.

Бронза медали учун баҳс эса Эрон ва Хитой терма жамоалари ўртасида кечди. Учрашувда яққол устунликка эришган эронлик футзалчилар 5:1 ҳисобида зафар қучиб, бронза медали билан тақдирланишди. Бугун эркаклар жамоалари ўртасидаги финалда Эрон ва Ўзбекистон терма жамоалари тўқнаш келишади.