"Astana Arlans" - "Uzbek Tigers" 4:1. Барча жанглар якунланди

ЯНГИЛАШ

19:32. Бўлди, ҳаммаси тугади. Баҳодир Жалолов ҳам мағлубият аламини тотиб кўрди. "Ўзбек йўлбарслари" жамоаси "Астана Арланс" боксчиларига 1:4 ҳисобида имкониятни бой бериб қўйди. 

19:13. Сўнгги жанг +91 кг вазн тоифасида бўлиб ўтмоқда. Унда яна бир Рио Олимпиадаси иштирокчиси Баҳодир Жалолов мезбонлар вакили Камшибек Кункабаевга қарши рингга кўтарилган. 

19:09. Мелиқўзиев иштирокида кечган жангдаги ҳакамлар қароридан кўчирма

19:05. Бектемир Мелиқўзиев ҳисобни қисқартирди. Рио Олимпиадаси совриндори рақибини 3:0 (49:46, 49:46, 49:46) ҳисобида мағлуб этди. Афсуски, бу ғалабадан энди фойда йўқ. 

18:49. Айни дақиқаларда тўртинчи вакилимиз Бектемир Мелиқўзиев ўз жангини ўтказяпти. У Нурдаулет Жармановга қарши рингга кўтарилган. Жанг 81 кг вазн тоифасида ўтказиляпти. 

18:46. Шаҳрам Ғиёсов иштирокида кечган жангдаги ҳакамлар қароридан кўчирма

18:45. Қолган иккита жуфтликдаги жанглар расмиятчилик учун ўтказилади.

18:40. Шаҳрам Ғиёсов ҳам рақибига имкониятни бой бериб қўйди. Ҳакамлар 2:1 (47:48, 48:47, 48:47) ҳисобида Асланбекнинг ғалаба қозонганини таъминлашди.

18:28. Мазкур жангда Дэвид Марк Вилльямс ҳакамлик қиляпти. Ишқилиб, ҳакамлар бизнинг зараримизга қарор чиқаришмасинда

18:23. 69 кг вазн тоифасида жанг қилувчи Шаҳрамнинг рақиби Асланбек Шимбергенов бўлади. 

18:22. Энди бор умидимиз Шаҳрам Ғиёсовдан. Рио Олимпиадасининг кумуш медали совриндори ҳам мағлубиятга учраса, гуруҳдаги иккинчи мағлубият қабул қилиниб олигади. Бундан бўлмаслигига умид боғлаб қоламиз.  

18:17. Ҳакамлар 49:46, 50:45, 49:46 ҳисобида ғалабани мезбон боксчига тақдим этишди. 

18.16. Муроджон Аҳмадалиев ҳам мағлубиятга учради. 

18:04. Ушбу жангни италиялик рефери Мария Риззардо бошқариб бормоқда. Какага омад тилайман. 

18:02. Энди навбат 60 кг вазн тоифасидаги боксчилар баҳсига. Унда Рио Олимпиадаси совриндори Муроджон Аҳмадалиев қозоғистонлик рақиби Закир Сафиулинга қарши рингга кўтарилади.  

17:59. Халқаро тоифадаги рефери Эндрю Кауфильд ҳакамлик қилган жангда ринг эгаси 49:46, 48:47, 48:47 ҳисобида зафар қучди. 

17:42. Афсуски, биринчи жангда боксчимиз имкониятни бой бериб қўйди... Қодиров рақибига 0:3 ҳисобида ютқазиб қўйди.

17:20. Жанглар бошланди. Рингда -52 кг вазн тоифасидаги боксчилар: Аброржон Қодиров Олжас Саттибаевга қарши жанг қилмоқда.

17:15. Дастлабки жанг бошланишига оз вақт қолди.

17:00. Ассалому алайкум. Тўлдиқўрғондаги бокс саройидаги жанглардан репортажни бошлаймиз. Бугун "Ўзбек йўлбарслари" Қозоғистоннинг "Астана Арланс" жамоаси боксчиларига қарши жанг қиладилар.