ATFC 19. Турнирнинг марказий жангида Шариф Кушаев қирғизистонлик рақибини нокаут орқали мағлуб этди

Туманда жойлашган "Ёшлар" боғида ташкил этилган мусобақанинг марказий жанги ярим енгил вазн тоифасида ўзбекистонлик жангчи Шариф Кушаев (8-1-0) ҳамда Қирғизистон вакили Қулмурот Ўрозов (5-4-0) ўртасида кечди.

Аҳамиятлиси, жанг илк раунддаёқ якунланди ва унда ҳамюртимиз қирғизистонлик рақибини нокаут орқали муддатидан олдин мағлубиятга учратди.

Бу Шариф Кушаев учун ягона мағлубиятдан сўнг қўлга киритилган ғалаба бўлди. У ўзининг сўнгги жангида бошқа бир ҳамюртимиз Маруфжон Мамаразиковга мағлуб бўлган эди ва ўз камаридан айрилган эди.