ATP Finals. Маррей Жоковични енгиб, бош мукофот ва 2 млн. долларга эга бўлди

Дунёнинг саккиз нафар энг кучли ракетка усталари иштирокида ўтган нуфузли турнирда британиялик Энди Маррей бош мукофот соҳибига айланди. 

Бир соату 43 дақиқа давом этган финал баҳсида Маррей сербиялик Новак Жоковични 6:3, 6:4 ҳисобида мағлуб этди. Ушбу ғалабадан сўнг Энди дунёнинг биринчи ракеткаси мақомини ўзида сақлаб қолди.

Ушбу ғалаба Энди Маррейга 1500 рейтинг очкоси ҳамда 2 миллион АҚШ доллари миқдоридаги соврин жамғармасини ҳам келтирди.

Barclays ATP World Tour Finals

Лондон, Буюк Британия

Якуний АТР турнири

Соврин жамғармаси – 7 600 000 доллар

ФИНАЛ:

Энди Маррей (Буюк Британия) – Новак Жокович (Сербия) - 6:3, 6:4