"Олтин тўп" ўз маъносини йўқотган" - Самюэль Умтит

Кеча France Football журнали йилнинг энг яхши футболчиси совринига 30 нафар номзод номини эълон қилди. Аввалроқ "Реал" ҳужумчиси Килиан Мбаппе ушбу мукофотни ўзига берган бўларди, деб айтганди.

"У [Килиан Мбаппе] — ўзига ишонган инсон. Унга бу ҳақда гапирмаслиги керак эди, у фақат майдонда содир бўлаётган воқеаларга эътибор қаратиши лозим эди, дейиш мумкин. Ҳамма унинг кўп гол урганини, айрим пайтларда яхши ўйин кўрсатганини кўрди, аммо ундан: "Сенимча, "Олтин тўп"ни ким ютади?" деб сўралса, у ўз исмини айтади. Бу кимгадир ёқадими ёки йўқ. Мен, мисол учун, бунга қўшила олмайман. Ҳужумчилар "Олтин тўп"ни яхши кўришади, лекин бу мукофот айнан унга насиб этиши шарт эмаслиги мен учун аниқ.

Рўйхатга Киньонес ҳам киритилди, лекин у жаҳон чемпионатида нима қилди (Мексика терма жамоаси сафида тўртта гол урди)? Буни кўрганимда, ҳазил деб ўйладим. Жиддий айтяпман, ҳатто бу маросимни ҳам томоша қилмайман.

Ҳужумчилар учун "Олтин тўп"ни қўлга киритиш – бу ақл бовар қилмас ҳолат. Бу маросим ҳар қандай маъносини йўқотган, у жуда жамоавий спорт тури бўлган футболга катта зарар етказмоқда. Одамлар жамоавий мукофотлардан кўра "Олтин тўп"ни ютиб олиш ҳақида кўпроқ ўйлашмоқда.

Жамоаси билан Чемпионлар лигасини ютиб олишингиз мумкин, лекин фақат ўзингиз ҳақида ўйлайсиз. Биз яна статистика ҳақида гапира бошладик, бу эса етарли эмас. Футбол – бу фақатгина статистика эмас.

Месси ва Роналду давридан кейин мен ҳатто бу совриннинг топширилишини ҳам кўрмаяпман. Уларда ақл бовар қилмайдиган статистика бор эди ва агар улар йирик совринни қўлга киритишмаса ҳам, бу унчалик муҳим эмасди, чунки улар мавсумни ажойиб тарзда ўтказишарди. Энди эса бирор кўзга кўринган ўйинчини ажратиб кўрсатиш шарт эмас", – деди Умтити.