12 янв 07:50
Янгиликлар
Теннис
Australian Оpen. Абдураимова саралашнинг илк босқичида кортга чиқди
Австралиянинг Мельбурн шаҳрида теннис бўйича йилнинг 4та нуфузли турниридан дастлабкиси - Аustralian Оpen мусобақасининг саралаш баҳслари давом этмоқда.
Хотин-қиз теннисчилар ўртасидаги саралаш баҳсларида ҳамюртимизларимиз Сабина Шарипова ва Нигина Абдураимованинг ҳам иштирок этиши ҳақида хабар берган эдик.
Абдураимова қуръа натижасига кўра саралашнинг илк даврасида хитойлик Кай-Лин Жангга қарши кортга чиқди. Жанг саралашнинг 19-ракеткаси сифатида қайд этилган эди.
Таққослаш учун, Нигина Абдураимова WTA рейтингида 164, хитойлик теннисчи эса 134-ўринни эгаллаб турибди. Уч сет давом этган драматик учрашувда мамлакатимизнинг иккинчи ракеткаси 6:4, 6:7, 3:6 ҳисобида имкониятни бой берди.
Эслатиб ўтамиз, мамлакатимизнинг биринчи ракеткаси бўлган Сабина Шарипова бугун саралашнинг илк даврасида россиялик Вероника Кудерметовага қарши кортга чиқади.
Ҳавола :
Манба : olamsport.com
Фикрлар