25 янв 08:54
Янгиликлар

Теннис

Australian Open. Циципас беш сетда Фритцни мағлуб этди

Дунёнинг тўртинчи ракеткаси Стефанос Циципас Австралия Очиқ чемпионатининг чорак финал иштирокчисига айланди.

Грециялик теннис устаси 3 соату 23 дақиқа давом этган тўртинчи давра баҳсида ATP рейтингида 22-ўринни эгаллаб турган америкалик Тэйлор Фритцни 4/6, 6/4, 4/6, 6/3, 6/4 ҳисобида мағлубиятга учратди.

Учрашув давомида 23 ёшли Циципас 19, 24 яшар Фритц эса 13 та эйс зарбасини ижро этди. Теннисчиларнинг ўзаро учрашувларидаги ҳисоб тенглашди - 2:2. Стефаноснинг чорак финалдаги рақиби италиялик Янник Синнер бўлади.