22 янв 07:11
Янгиликлар

Теннис

Australian Open. Фомин яккаликдаги иккинчи учрашувини ўтказди

Истеъдодли теннисчимиз Сергей Фомин Австралия Очиқ чемпионатининг 18 ёшгача бўлган ўсмирлар ўртасидаги мусобақасининг асосий тўр илк даврасида ғалабага эришганди.

Айни пайтда дунё рейтингида 999-ўринни эгаллаб турган 16 ёшли теннисчимиз асосий тўрнинг илк даврасида аргентиналик Тиаго Аугустин Тирантедан устун келганди.

Афсуски, ҳамюртимиз ҳозиргина якунига етган иккинчи босқич учрашувида бразилиялик Игор Хименесга ютқазиб қўйди. Бир соату 57 дақиқа давом этган баҳсда Хименес 6:1, 5:7, 6:3 ҳисобида зафар қучди. Бразилиялик теннисчи ATP рейтингида 1444-ўринни банд этган.

Маълумот учун, 16 ёшли Фомин асосий тўрга саралаш мусобақаси орқали етиб келганди. Сергей япониялик Кейсуке Саитони 6:4, 4:6, 3:6, Жанубий Корея вакили Хан Сеон Йонгни 6:1, 3:6, 6:3 ҳисобида мағлубиятга учратган эди.