Australian Open. Кербер ярим финал иштирокчисига айланди

Хотин-қиз теннисчилар ўртасидаги яккалик баҳсларида ҳам ярим финал иштирокчилари маълум бўлмоқда. Дунёнинг собиқ биринчи ракеткаси, айни пайтда рейтингда 16-ўринни эгаллаб турган Анжелик Кербер чорак финалда америкалик Мэдисон Кизга ҳеч қандай имконият қолдирмади.

Эллик бир дақиқа давом этган учрашувда Кербер дунёнинг 20-ракеткасидан 6:1, 6:2 ҳисобида устун келди. Энди германиялик теннисчи ярим финалда ҳозир давом этаётган Симона Халеп ва Каролина Плишкова учрашуви ғолибаси билан тўқнаш келади.