30 май 09:48
Янгиликлар
Футбол
Баҳрайн июль ойида 7 та ўртоқлик учрашуви ўтказади
Баҳрайн футбол федерацияси ЖЧ-2022 саралаш босқичига тайёргарлик режасини маълум қилди.
Унга кўра, миллий терма жамоа июль ойида еттита ўртоқлик учрашуви ўтказишни мақсад қилган. Баҳрайн термаси янги бош мураббий Элио Соуза қўл остида 8-27 июль кунлари Португалияда йиғин ташкил этади. Айни пайтда ушбу мураббий Польшада бўлиб ўтаётган U-20 жаҳон чемпионатида Португалия термасини бошқармоқда.
Мусобақа якунига етганидан кейин, аниқроғи 25 июнь куни мураббий Баҳрайн термасини қабул қилиб олади. Июнь ойида баҳрайнликлар Соузанинг ёрдамчилари билан Риффада машғулот ўтказиб туришади. Еттита ўртоқлик учрашуви кимларга қарши бўлиб ўтиши ҳақида эса футбол федерация кейинроқ маълумот беришини баён этди.
Ҳавола :
Манба : championat.asia
Фикрлар