11 апр 15:02
Янгиликлар

Футбол

"Барселона" директори: "Мессининг сўнгги класикони ўтказмаганига умид қиламиз"

"Барселона" директори Гильермо Амор "Реал" (1:2)га қарши ўйиндан сўнг "кўк-анорранглилар" ҳужумчиси Лионель Мессининг эҳтимолий кетиши борасидаги хабарларга изоҳ берди.

"Мессининг биз учун сўнгги класикони ўтказмаганига умид қиламиз. Унинг қолишини ва яна бир неча марта "Барселона" либосида "Реал"га қарши ўйнашини хоҳлардик", - дейди Амор.

Месси жорий мавсум "Барселона" таркибида 39 та ўйинда майдонга тушиб, 29 та гол ва 13 та ассист қайд этди. 33 ёшли аргентиналик футболчининг клуб билан тузган шартномаси 2021 йилнинг июнига қадар мўлжалланган, футболчи ёзда эркин агент мақомида клубдан кетиши мумкин.