"Барселона" Мата билан боғланди

Маълумотларга кўра, Каталония клуби футболчининг отаси ва агенти катта Хуан Матага қўнғироқ қилган. Кўк-анорранглилар футболчини ёзда эркин агент сифатида ўз сафига қўшиб олмоқчи. "Барселона"нинг фикрича, 30 ёшли ярим ҳимоячи билан шартнома тузишдан ҳеч ким ютқазмайди.

Агар ҳамкорлик муваффақиятсиз бўлса, клуб бир йилдан сўнг уни сотиб юбориши мумкин. Мата жорий мавсум "Манчестер Юнайтед" сафида 29та учрашув ўтказиб, 5та гол урди ва 3та голли пас берди.