"Барселона", "Реал" ва яна уч топ-клуб аргентиналик футболчи учун курашмоқда

"Daily Mail" хабарига кўра, 26 ёшли аргентиналик учун "Арсенал" ва "Атлетико" ҳам курашга қўшилган. "Аякс" футболчининг трансферида 8 миллион евро ишлаб олмоқчи.

Тальяфикога бир неча ойлардан буён "Барселона", "Бавария" ва "Реал" томонидан қизиқишлар борлиги айтилганди. Футболчининг агенти ҳозирда "Реал" билан иш олиб бормоқда ва у "Ювентус"га ўтиб кетиши кутилаётган Марселонинг ўрнига ўринбосар сифатида кўрилмоқда.

Тальяфико 2018 йилда "Индепендьенте"дан 8 миллион евро эвазига "Аякс"га ўтганди. Бу мавсумда у жамоаси таркибида 31 ўйинда қатнашди ва 5 гол уриб, шунча голга ассистентлик қилди.