Баскетбол. Олимпиада-2024 йўлланмасини қўлга киритган яна икки жамоа маълум

Кеча ўтказилган икки чорак финал учрашувидан сўнг Германия ва Сербия терма жамоалари Париж-2024 Олимпиадаси йўлланмсини қўлга киритишди. Икки кун аввал ярим финалга йўл олган АҚШ ва Канада терма жамоалари ҳам Олимпия ўйинлари чиптасини нақд қилишганди. 

Шунингдек, Жанубий Судан (Африканинг энг яхши жамоаси), Япония (Осиёнинг энг яхши жамоаси) ва Австралия (Океаниянинг энг яхши жамоаси) ҳам келаси йили Парижга боради. Франция мезбон сифатида Париж Олимпиасида қатнашади.  

Бундан ташқари, Олимпия квалификацион турнирида иштирок этадиган 24 терма жамоанинг ҳам номи маълум бўлиб улгурди. Табиийки, улар орасида Ўзбекистон йўқ. 

Квалификацион турнир иштирокчилари: Литва, Италия, Латвия, Словения, Испания, Черногория, Пуэрто-Рико, Бразилия, Доминикан Республикаси, Греция, Грузия, Миср, Финляндия, Янги Зеландия, Ливан, Филиппин, Мексика, Ангола, Кот-д’Ивуар, Камерун, Багам ороллари, Баҳрайн, Польша ва Хорватия.

ЖЧ-2023. Кечаги 1/4 финал натижалари

Канада - Словения - 100:89 (26:24, 24:26, 30:21, 20:18)

Германия - Латвия - 81:79 (13:16, 23:18, 26:25, 19:20)