"Бавария" спорт директори: "Кейн – дунёнинг энг яхши ўйинчиларидан бири"

"Тоттенхэм" ҳужумчиси Ҳарри Кейн бир қанча вақтдан буён жамоани тарк этган Роберт Левандовскининг ўрнини босиши мумкинлиги айтиб келинаётган эди. 

Шу ой бошида немис гиганти томонидан бўлаётган чорлов борасида Англия терма жамоаси сардоридан сўрашди ва у бу хабарларни рад этар экан, шундай дея жавоб қайтарди: "Албатта, "Бавария" энг юқори даражадаги жамоалардан бири, топ-клуб, бироқ менинг бор эътиборим "Тоттенхэм"га қаратилган".

Якшанба куни "Bayern Insider" подкастида клуб спорт директори Салиҳамижич ушбу мақтовга жавоб қайтарди: "У дунёнинг энг яхши ўйинчиларидан бири. Лекин биз бошқа клуб билан шартномаси бўлган футболчилар ҳақида гапирмаймиз. Биз ёзда жуда кўп ишни амалга оширдик ва ўйлайманки, бутун мавсум учун жуда яхши тайёргарлик кўрдик. Биз қишки трансфер ойнасида фаол бўлмаймиз".