Бектемир Мелиқўзиев аргентиналик рақибга қарши жанг олдидан қандай фикрда?

Ушбу жангда боксчимизга аргентиналик Мартин Фидел Риос рақиблик қилади. Ўзбекистон бокс федерацияси матбуот хизмати ушбу жанг олдидан боксчимизнинг фикрлари билан қизиқди.

"Бу профессионал боксдаги дебют жангим бўлади. Ушбу жангга 2 ой давомида тайёргарлик кўрдим. Рақибим анча тажрибали. Шу кунгача профессионал боксда 46 та жанг ўтказган. 

Дебют жангим учун тайёргарлик доирасида мураббийлар билан бирга ишладик. Спаррингларда турли рақибларга қарши ҳаракат қилдим. Тактик томонлар бўйича ҳам иш олиб бордим. Насиб қилса, профессионал боксдаги дебют жангим муваффақиятли бўлади. Жанг албатта осон бўлмайди, аммо шунга яраша тайёргарлик кўрганман. Худо хоҳласа, ушбу жангда ғалаба қозонаман", - деди Бектемир Мелиқўзиев. 

Ўзбекистон бокс федерацияси матбуот хизмати