Белбоғли кураш: Чироқчида Ўзбекистон чемпионати ўтказилмоқда

Ўзбекистон Республикаси  Спортни ривожлантириш вазирлиги ҳамда Ўзбекистон белбоғли кураш федерациясининг йиллик – тақвим режасидаги мазкур мамлакат чемпионати баҳсларида  Қорақалпоғистон Республикаси, Тошкент шаҳри ва барча  вилоятлардан  300 нафардан ортиқ  ёш полвонлар ғолиблик учун кураш тушишмоқда. Чемпионат баҳсларида дастлаб, мусобақанинг тантанали очилиш маросими ташкил этилди. Маросимда Чироқчи тумани ҳокими Нодир Эркаев, туман сектор раҳбарлари, Қашқадарё вилояти спортни ривожлантириш бош бошқармаси бошлиғи Ваҳоб Рўзиев, Ўзбекистон белбоғли кураш федерацияси раиси Равшан Дастиров, Қашқадарё вилоят белбоғли кураш федерацияси раиси Фарҳод Жуманов, туман БЎСМ директори Анвар Жўраев ва бошқалар иштирок этиб, ёш полвонларни қутлашди ва уларга мусобақаларда омад тилашди.   

Юқори савияда ташкил этилган ушбу чемпионатда ўғил болалар белбоғли курашнинг эркин ва классик йўналишларида 10тадан вазн тоифасида, қизлар эса эркин йўналишда 7 та вазн тоифасида ғолиблик учун кураш тушишмоқда.

Мусобақа 28 апрелга қадар давом этади.    

Илҳом РАҲМОНОВ тайёрлади