19 фев 11:59
Янгиликлар

Бокс/ММА

Bellator Москвада Фёдор Емельяненконинг жангини ўтказмоқчи

Россиялик ММА афсонаси Фёдор Емельяненконинг навбатдаги жанги Россия Федерацияси пойтахти Москва шаҳрида ўтказилиши мумкин.

Ушбу жанг ташкилотчилиги билан шахсан Bellator президенти Скотт Кокер шуғулланади. Кокер Емельяненко ва Мирко Крокоп ўртасида жанг ўтказишни режалаштирган.

“Мен ҳамиша Фёдорнинг хайрлашув жанги Россия ёки Японияда ўтказилиши лозим деб хисоблаганман. Айниқса, унинг сўнгги жанги Москва шаҳрида ташкил этилса яхши бўлар эди. Рақиб эса Мирко Крокоп бўллиши керак. Мирконинг ўзи ҳам реванш жангининг ўтказилишига қарши эмас. Энди биз Емельяненконинг ўзи билан шу мавзуда гаплашиб олишимиз керак”, - деди Bellator президенти.

Эслатиб ўтамиз, Фёдор Емельяненко ўзининг сўнгги жангини ўтган ой Bellator Гран-приси финалида америкалик Райан Бейдерга қарши ўтказиб, биринчи раунднинг ўзидаёқ техник нокаут эвазига мағлуб бўлганди.