21 дек 11:45
Янгиликлар
Бокс/ММА
Бернард Хопкинс: “Мен ҳеч нарсадан афсус қилмайман”
Профессионал бокснинг икки вазн тоифасида собиқ жаҳон чемпиони Бернард Хопкинс 17 декабрь куни АҚШнинг Калифорния штати Инглвуд шаҳрида фаолиятидаги сўнгги жангини ўтказган эди.
The Forum аренасида ўтган жангда америкалик 51 ёшли Хопкинс ҳамюрти 27 ёшли Жо Смитга техник нокаут эвазига мағлуб бўлганди. Хопкинс фаолиятидаги сўнгги жанги ҳақида ўз мулоҳазалари билан ўртоқлашди.
“Мен бундан афсусланмайман. Бундан ҳолатлар боксда бўлиб туради. Январь ойида 52 ёшга тўламан. Афсуски, ўзим хоҳлагандек жанг олиб бора олмадим. Сўнгги жангимдаги мағлубият учун кўп йиллик мухлисларимдан узр сўрайман”, — деди Хопкинс.Маълумот учун, Хопкинс бокс тарихида ўзига хос рекорд ўрнатган. У 2014 йили 49 ёшида жаҳон чемпионлиги камарини қўлга киритиб, бокс тарихидаги энг ёши катта чемпионга айланганди.
Ўшанда у ярим оғир вазн тоифасида қозоғистонлик Бейбут Шуменовни 116:111, 116:111, 113:114 ҳисобида мағлуб этиб, 3та чемпионлик камарларини ўзида бирлаштирган эди.
Ҳавола :
Фикрлар