18 сен 07:31
Янгиликлар

Футбол

Бикмаев икки ўйинга четлатилди ва 10 000 000 сўм миқдоридаги жаримага тортилди

“Металлург” – “Локомотив” баҳсининг 90+4 дақиқасида “темирйўлчилар” жамоаси захира ўриндиғида ўтирган Марат Бикмаев ҳакамлар гуруҳи шаънига номаъқул сўзлар ишлатди.

Натижада ўйинни бошқариб борган ҳакам – Владислав Цейтлин ушбу футболчини майдондан четлатди. Владислав Цейтлин ёзма билдирги орқали ушбу вазиятга изоҳ бераркан, Бикмаев аввалига захира ҳакамини, сўнгра бутун ҳакамлар гуруҳини ҳақорат қилганини маълум қилди.

Мазкур вазият атрофлича ўрганиб чиқилди ва футболчи Мусобақалар регламентининг интизомий ва жарималар кодекси 3-бўлим, 5.45 бандининг “Е” қисмини қўпол равишда бузгани эътироф этилди.

Якунда Марат Бикмаев навбатдаги иккита расмий учрашувдан четлатилди ва футболчига нисбатан 10 000 000 сўм миқдорида жарима белгиланди.