30 май 14:30
Янгиликлар
Теннис
Биринчи рақамли Шарипова Андижондаги иштирокини якунлади
Андижон шаҳрида хотин-қиз теннисчилар ўртасидаги “Фьючерс” тоифасига кирувчи турнирнинг асосий тўр баҳслари давом этмоқда.
Соврин жамғармаси 25 000 АҚШ долларини ташкил қилувчи ушбу мусобақада бир неча нафар теннисчиларимиз ҳам ўз имкониятларини синовдан ўтказишяпти.
Афсуски, бир неча дақиқа аввал якунига етган учрашувда турнирнинг биринчи ракеткаси бўлган ҳамюртимиз Сабина Шарипова мағлубият аламини тотиб кўрди.
Аниқроғи, Сабина грузиялик Марьям Болквадзега қарши кечган баҳсни якунига етказа олмади. Биринчи сетни 2:6 ҳисобида бой берган Шарипова иккинчи сетнинг учинчи геймидан сўнг баҳсни давом эттира олмаслигини маълум қилди. Бу пайтга келиб вакиламиз 0:3 ҳисобида ортда қолаётганди.
Ҳавола :
Манба : olamsport.com
Фикрлар