Бо Никал Йоэл Ромеродан чемпионлик камарини ҳимоя қиладими?

Энди UFC ўрта вазн тоифаси вакилининг ўрнини Ромерога қарши баҳсда Bellator собиқ жангчиси Пэт Дауни эгаллайди. У 20 декабрь куни кубалик билан ярим оғир вазн тоифасида вақтинчалик RAF чемпионлик камарини учун жанг ўтказади. 

Шу билан бирга, Никалнинг 10 январь куни Санрайзда бўлиб ўтадиган RAF 5 турнирида гиламга қайтиши эълон қилинди. Аммо у ғолиб билан тўқнаш келадими ёки бошқа рақибга қарши ўйин ўтказадими, ҳозирча номаълум.

Бо Никал ўз тақдимотидаги ўзгаришларга ҳозирча ҳеч қандай изоҳ бермади. Америкалик август ойида Жейкоб Карденасни мағлуб этиб, ярим оғир вазн тоифасида лига тарихидаги илк чемпионликни қўлга киритганди.

33 ёшли Пэт Дауни эркин кураш бўйича 2017 ва 2021 йилги турнирларда икки марта Никалга ютқазган. Жорий йилнинг май ойида эса грепплинг бўйича ўрта вазн тоифасида собиқ UFC чемпиони Крис Вайдменни мағлуб этганди.