30 янв 12:27
Янгиликлар

Бокс/ММА

Бокс. Аёллар ўртасидаги Жаҳон чемпионати ҳам Россияда ўтказилади

Аёл боксчилар ўртасидаги навбатдаги Жаҳон чемпионати Россия Федерацияси Бурятия Республикасининг Улан-Удэ шаҳрида бўлиб ўтади.

Ушбу нуфузли мусобақанинг жорий йилнинг 3-13 октябрь кунлари ўтказилиши маълум қилинди. Халқаро ҳаваскорлар бокс ассоциацияси (AIBA) мусобақалар тақвимидан ўрин олган мазкур дунё биринчилигида сайёрамизнинг 50га яқин мамлакатидан етакчи чарм қўлқоп усталари иштирок этади.

Маълумот учун, аёллар ўртасидаги Жаҳон чемипонати 2001 йилдан бери ташкил этиб келинади. Ўтган йили юбилей - Х-Жаҳон чемпионатига Ҳиндистон давлати мезбонлик қилган эди. Россияда шунингдек, эркаклар ўртасидаги Жаҳон чемпионати ҳам ўтказилади.