Бокс. Эъзоза Мелиева бронза медалини олтинга айлантирмоқчи

Кеча уч нафар боксчимиз рингга чиқди ва уларнинг барчаси ғалаба қозониб, кейинги босқичга йўл олди. Биз мусобақага тайёргарлик кўраётган бошқа боксчиларимиз билан ҳам суҳбатда бўлдик.

Жумладан, терма жамоамиз аъзоси Эъзоза Мелиева бўлажак мусобақа ҳақида ўз фикрларини билдирди. 

«Терма жамоамиз аъзолари билан биргаликда Осиё чемпионатида аъло даражада иштирок этиш учун жиддий тайёргарлик кўрмоқдамиз. Ўтган Осиё чемпионатида бронза медални қўлга киритгандим, бу мусобақада эса чемпион бўлиб қайтиш ниятим бор. 

Худо хоҳласа, ўзбек халқи бизни қўллаб-қувватлаб, дуо қилиб турса, албатта ҳаммамиз чемпион бўлиб, юзимиз ёруғ бўлиб, юртимиз байроғини юксакларга кўтарамиз ва Бангкок шаҳридан Ўзбекистонга олтин медаллар билан қайтамиз", - деди -81 кг вазнли қизимиз Эъзоза Мелиева.