Бокс. Россия терма жамоаси бош мураббийи истеъфога чиқарилди

Бу ҳақда Лебзякнинг ўзи хабар берди.

“Мени эгаллаб турган лавозимимдан озод қилишди. Шахсан мен бу истеъфони қонунга зид деб ҳисоблайман”, — деди Лебзяк.

Эслатиб ўтамиз, Александр Лебзяк бош мураббийлигидаги бокс бўйича Россия терма жамоаси Рио Олимпиадасида кутилганидан омадсиз тарзда иштирок этган эди. Ушбу Олимпиадада бокс бўйича терма жамоамиз тарихда биринчи маротаба Куба, Россия каби кучли давлатларни ортда қолдириб, умумжамоа ҳисобида биринчи ўринни эгаллаганди.