16 июл 11:01
Янгиликлар

Бокс/ММА

Боксчимиз иккинчи вазн чемпионлик камари учун рингга чиқади

Профессионал боксда муваффақиятли одимлаётган чарм қўлқоп устамиз Ҳусниддин Пўлатов навбатдаги жангини чемпионлик камари учун ўтказади.

Ҳусниддин роппа-роса бир ой олдин, аниқроғи 16 июнь куни Тошкентда ташкил этилган бокс оқшомининг андеркад жангида ўзига тегишли WBA Asia чемпионлик камарини ҳимоя қилган эди. 69,8 кг вазн тоифасида рингга чиқиб келаётган ҳамюртимиз 10 раундга мўлжалланган жангнинг учинчи раунд 59-сониясида грузиялик Бадри Гогичашвилини нокаутга учратганди.

Энди Пўлатов 7 сентябрь куни Жанубий Корея пойтахти Сеул шаҳрида иккинчи вазн тоифаси чемпионлик камарини қўлга киритиш учун уриниб кўради. У 66,7 кг вазнда вакант бўлиб турган WBA Asia чемпионлик камари учун кореялик боксчи Ин Дак Сеога қарши рингга кўтарилади.