"Бу жанг – ҳақорат". Эксперт Махачев - Топурия эҳтимолий жанги ҳақида гапирди

"Биринчи таассуротим – бу сохта хабар. Ва бу таклиф Ислам учун ҳақоратдир. Мен Ислам ким биландир жанг қилишдан қўрқади, деган гапларга ишонмайман. Бунга исбот – у Мойкано билан тайёргарликсиз, машғулот лагери ўтказмасдан жанг қилишга рози бўлгани. Чунки у "шоу давом этиши керак" деган қоидага амал қилган", – деди Соннен ESPN даги кўрсатувида.

Соннен бу жанг бўлиб ўтиш эҳтимолига шубҳа билан қарамоқда.

"Менимча, бу шунчаки миш-миш. Шу билан бирга, Исламдан: "Сен ярим енгил вазндаги жангчи билан жанг қиласанми?" деб сўраш ҳам бироз ҳақоратдек. Чунки бу унинг ярим енгил вазндаги учинчи рақиби бўлар эди. Агар Исламга юқори дивизионга чиқиб, ярим ўрта вазнда жанг қилишга рухсат берилмаётган бўлса, бу жангнинг бўлишига ишонмайман", – деди Соннен.