Бугун "Арсенал" - "Манчестер Сити" ўйини ўтказилади

Арсенал – Манчестер Сити
Якшанба, 20:00 (Тошкент вақти), Лондон. "Эмирейтс Стэдиум" стадиони.

Тахминий таркиблар:

Арсенал: Лено – Бельерин, Мустафи, Сократис, Мейтленд-Найлз – Рэмси, Торрейра – Мхитарян, Озил, Обамеянг – Ляказетт.

Манчестер Сити: Эдерсон – Уокер, Стоунз, Ляпорт, Менди – Де Брюйне, Фернандиньо, Д. Силва – Марез, Агуэро, Сане.

Ўйнамайди: Колашинац – Данило, Мангала.

Сўроқ остида: Рэмси, Монреаль – Де Брюйне, Стерлинг, Д. Силва.

Унаи Эмерининг "Арсенал"даги илк расмий учрашуви амалдаги мамлакат чемпиони "Манчестер Сити"га қарши бўлиб ўтади. "Шаҳарликлар" мавсумдаги расмий учрашувни ўтказиб бўлишди. Англия Суперкубоги учун баҳсда Лондоннинг бошқа бир клуби "Челси" доғда қолдирилди.

Охирги учта ўйиннинг ҳар бирида "Сити" "канонирлар"га учтадан гол уришга эришган. Пеп Гвардиола ўз фаолиятида ҳеч қачон Унаи Эмерига ютқазмаган: 10та ўйин, 6 ғалаба ва 4 дуранг.

Фактлар:

- "Ман Сити" "Арсенал"га бешта ўйиндан буён ютқазмаяпти. Охирги 12та учрашувни олсак фақат икки бор ютқазган.

- "Арсенал" АПЛда "Эмирейтс"даги охирги 6та учрашувнинг фақат биттасида юта олган.

- Пеп Гвардиола олдинги йилларда АПЛ 1-турида фақат ғалаба қозонган. У "Сандерленд" ва "Брайтон"ни таслим қилган.