Бугун Европа чемпионлар лигаси плей-офф босқичига қуръа ташланади

Тадбир Тошкент вақти билан соат 16:00да бошланади.

Гуруҳ ғолиблари иккинчи ўринни эгаллаган клубларга қарши ўйнашади. Битта гуруҳдан чиққан ва битта давлат шарафини ҳимоя қилаётган клублар бу босқичда ўзаро тўқнаш келишмайди.

Гуруҳда биринчи ўринни олганлар: "Манчестер Юнайтед", ПСЖ, "Рома", "Барселона", "Ливерпуль", "Манчестер Сити", "Бешиктош", "Тоттенхэм".

Гуруҳда иккинчи ўринни олганлар: "Базель", "Бавария", "Челси", "Ювентус", "Севилья", "Шахтёр", "Порту", "Реал".

1/8 финалнинг дастлабки учрашувлари 13-14 ва 20-21 февраль кунлари, жавоб баҳслари эса 6-7 ва 13-14 март кунлари бўлиб ўтади.

Эслатиб ўтамиз, бу мавсумда Чемпионлар лигаси финал учрашуви 26 май куни Киевдаги "Олимпийский" стадионида бўлиб ўтади.