13 июл 13:24
Янгиликлар

Теннис

Бугун Файзиев Чехия турнирида ярим финалга чиқишга уриниб кўради

Бугун мамлакатимизнинг иккинчи ракеткаси Санжар Файзиев Чехиянинг Пардубице шаҳри мезбонлик қилаётган мусобақадаги ўзининг учинчи учрашувини ўтказади.

Турнирнинг мукофот жамғармаси 25 000 АҚШ долларини ташкил этади. Файзиев турнирда иккинчи рақам остида ҳаракат қиляпти. Бугуни у чорак финал учрашувида австриялик Деннис Новакка қарши кортга чиқади.

Новак турнирда олтинчи рақам остида таснифланган бўлиб, дунё рейтингида 394-поғонадан жой олган. Файзиев эса 256-ўринни эгаллаб турибди. Санжар кеча иккинчи даврада австриялик Ненад Владусични 6:2, 6:4 ҳисобида мағлуб этган эди.