23 сен 07:05
Янгиликлар
Теннис
Бугун Файзиев ва Султонов Чимкентда финал чиптаси учун курашади
Қозоғистоннинг Чимкент шаҳрида давом этаётган теннис бўйича соврин жамғармаси 10 минг АҚШ долларидан иборат турнир ўзининг ҳал қилувчи палласига кирди.
Бугун турнирнинг яккалик баҳсларида ярим финал учрашувлари ўтказилади. Мусобақанинг биринчи ракеткаси сифатида қайд этилган ҳамюртимиз Санжар Файзиев турнирнинг тўртинчи рақамли иштирокчиси, эстониялик Владимир Ивановга қарши кортга чиқади.
Яна бир теннисчимиз, 17 ёшли Ҳумоюн Султонов эса финал йўлланмаси учун россиялик Иван Давидов билан муносабатларига ойдинлик киритиб олади. У иккинчи босқичда турнирнинг учинчи ракеткаси россиялик Виктор Балудани 7:6(5), 6:3 ҳисобида енгиб, ўзига хос шов-шув кўтарган эди.
Ҳавола :
Манба : olamsport.com
Фикрлар