Бугун Францияда Жаҳон чемпионати старт олади + ФОТО

Ўз тарихида юбилей 40-маротаба ташкил этилаётган мусобақада Ўзбекистон терма жамоаси ҳам иштирок этади. Таркибдан Токио Олимпиадаси совриндори Давлат Бобонов, олимпия ўйинлари иштирокчилари Ҳикматуллоҳ Тўраев, Бекмурод Олтибоев, Диёра Келдиёрова ва Гулноза Матниязова, шунингдек истеъдодли дзюдочиларимиз жой олган. 

Кеча жаҳон чемпионатининг тантанали очилиш маросими бўлиб ўтди ва унда дзюдочиларимиз ҳам иштирок этишди. Ҳарбий либосда Ўзбекистон байроғини Музаффарбек Тўрабоев сарбаланд кўтарган ҳолда параддан ўтди. 

Бугун аёллар -48, -52, -57, -63 кг, эркаклар эса -60, -66 ва -73 кг вазн тоифаларида жаҳон чемпионати медаллари учун татамига чиқадилар. Эртага қолган вазнларда беллашувлар ташкил этилади. 

Терма жамоа таркиби:

-60 кг: Дилшод Баратов

-66 кг: Шавкат Саиткулов

-66 кг: Артём Штурбабин

-73 кг: Обидхон Номонов

-81 кг: Ҳикматуллоҳ Тўраев

-90 кг: Давлат Бобонов

-100 кг: Музаффарбек Тўрабоев

+100 кг: Бекмурод Олтибоев

+100 кг: Шоҳруҳ Бахтиёров

-52 кг: Диёра Келдиёрова

-57 кг: Шукуржон Аминова

-70 кг: Гулноза Матниязова

-78 кг: Ирисхон Қурбонбоева

Мураббийлар - Тоҳир Файзиев, Улуғбек Азизов, Санжар Зокиров, Шуҳрат Бобоев

Делегация раҳбари - Мансур Мамадаминов