26 июл 08:30
Янгиликлар
Теннис
Бугун Истомин Гштаадда иккинчи учрашувини ўтказади
Бугун мамлакатимизнинг биринчи ракеткаси Денис Истомин Швейцариянинг Гштаад шаҳри мезбонлик қилаётган нуфузли турнирдаги иштирокини давом эттиради.
Ҳамюртимиз Swiss Open Gstaad турнирининг яккалик баҳси илк даврасида италиялик Лоренцо Жустинони 6:3, 6:2 ҳисобида мағлуб этганди. Бугун у иккинчи босқич учрашувида кортга чиқади.
Денис Истоминнинг бугунги рақиби Дастин Браун бўлади. Асли Ямайкада туғилган, айни пайтда Германия шарафини ҳимоя қилаётган Браун дунё рейтингида 113-ўринни эгаллаб турибди.
Эслатиб ўтамиз, мусобақанинг
соврин жамғармаси 540,310 еврони ташкил қилади. Турнир ғолиби 85,945 евро
мукофот пули ҳамда 250 рейтинг очкосига эга бўлади.
Ҳавола :
Манба : olamsport.com
Фикрлар