Бугун Истомин Ricoh Open турниридаги иштирокини бошлайди

Голландиянинг Хертегенбош шаҳрида ўтказилаётган ушбу мусобақанинг мукофот жамғармаси 660 минг 375 еврони ташкил қилади. Бугун ҳамюртимиз асосий тўрнинг биринчи босқичида британиялик Альяж Беденега қарши кортга чиқади.

Маълумот учун, Бедене турнирнинг 8-рақамли теннисчиси сифатида эътироф этилган. Альяж бугун эълон қилинган дунё рейтингида 59, Денис эса 74-ўринни эгаллаб турибди. Теннисчилар ўзаро уч бор тўқнаш келиш. Уларнинг иккитаси Истомин, бирида Бедене ғалаба қозонган.

Илк даврада иштирок этган теннисчиларнинг барчаси натижадан қатъий назар 5 960 еврога эга бўлади. Турнир ғолиби эса 105,045 евро мукофот пули ҳамда 250 рейтинг очкосини қўлга киритади.