29 авг 09:50
Янгиликлар
Теннис
Бугун Истомин US Open илк даврасида Надалга қарши кортга чиқади
Бугун йилнинг тўртта нуфузли теннис турниридан бири бўлган US Open, яъни АҚШ Очиқ чемпионатининг асосий тўр баҳслари бошланади.
Хабар берганимиздек, қуръа натижасига кўра мамлакатимизнинг биринчи ракеткаси Денис Истомин биринчи даврада испаниялик Рафаэль Надалга қарши кортга чиқиши керак эди. Режа бўйича бу учрашув бугун тунда бўлиб ўтади.
Рафаэль Надаль турнирда тўртинчи рақам остида таснифланган. Ушбу жуфтлик ғолиби иккинчи даврада италиялик Андреас Сеппи ҳамда франциялик Стефан Роберт учрашуви ғолиби билан тўқнаш келади.
Маълумот учун, мусобақанинг амалдаги ғолиби, дунёнинг биринчи ракеткаси сербиялик Новак Жокович чемпионлик ҳимоясини польшалик Ежи Яновичга қарши учрашув билан бошлайди.
Ҳавола :
Манба : olamsport.com
Фикрлар