31 дек 13:46
Янгиликлар

Бокс/ММА

Бугун кутилган жанг: Флойд Мэйвезер Насукавадан оғирроқ чиқди

Бугун, 31 декабрь куни Япониянинг Сайтама шаҳрида Rizin 14 турнири бўлиб ўтади.

Жанг оқшомининг асосий тўқнашувида бокс бўйича собиқ жаҳон чемпиони Флойд Мэйвезер япониялик кикбоксчи Тенсин Насукавага қарши жанг қилади.

Мазкур баҳс олдидан расмий вазн ўлчаш маросими бўлиб ўтди. Унга кўра, Флойд рақибидан бироз оғирроқ чиқди - 66,7 кг. Япониялик спортчи эса 62,1 кг тош босди.

Эслатиб ўтамиз, жанг бокс қоидалари асосида бўлиб ўтади. Баҳс уч дақиқадан уч раунд давом этади. Жангда ҳакамлар бўлмайди ва беллашув натижаси спортчиларнинг қайд этган "рекорд"лари ҳисобига киритилмайди.