27 авг 09:36
Янгиликлар

Дзюдо

Бугун Мудофаа вазири Кубоги старт олади

Бугун пойтахтимиздаги МҲСК спорт мажмуасида дзюдо бўйича Ўзбекистон Республикаси Мудофаа вазири Кубогининг республика финал босқич баҳслари бошланади.

Ушбу мусобақада Қорақалпоғистон Республикаси, вилоятлар ҳамда Тошкент шаҳридан сараланган ўғил болалар ва қизлар еттитадан вазн тоифасида медаллар учун татамига чиқадилар. Мусобақанинг учинчи куни жамоавий беллашувлар ташкил этилади.

Бугун ўғил болалар -60, -66, -73 кг, қизлар эса -48, -52, -57 ва -63 кг вазн тоифаларида медаллар учун беллашадилар. Мусобақанинг саралаш баҳслари соат 10:00да, финал беллашувлари эса соат 17:00да бошланади. Эртага, 28 август куни соат 16:30да мусобақанинг тантанали очилиш маросими бўлиб отади.