Бугун "Насаф" Қаршида ОФК Кубоги доирасидаги ўйинда майдонга тушади

Қаршидаги "Марказий" стадионда ўтадиган баҳс 20:00да старт олади. Бугунги ўйин ғолибини саралашнинг ярим финалида Ҳиндистоннинг "Моҳун Баган" клуби кутиб турибди.

Кеча Жанубий минтақанинг "D" гуруҳи 3-турида "Моҳун Баган" (Ҳиндистон) клуби "Башундхара Кингс" (Бангладеш) билан дуранг (1:1) ўйнади. Шу тариқа Ҳиндистон клуби гуруҳда ғолиб чиқди ва "Насаф"/"Аҳал"нинг кейинги босқичдаги рақибига айланди.

"Насаф" бу босқичда ҳам зафар қучса, Интер зонал финалига чиқади ва яна ўз майдонида ўйнайди. Рақиб Гонконгнинг "Ли Ман" клуби бўлади.

Рўзиқул Бердиев шогирдлари бу ўйинда ҳам ғолиб бўлишса, ОФК кубоги финалига чиқишади. Финалга Ғарб минтақасидаги тўртта клубдан бири чиқади.

ҒАРБИЙ МИНТАҚА ФИНАЛИ
"Ал Муҳаррақ" - "Ал Аҳад" ғолиби - "Ал Кувайт" - "Ал Салт" ғолиби

ИНТЕР ЗОНАЛ ЯРИМ ФИНАЛ
"Насаф" - "Аҳал" ғолиби - "Моҳун Баган" (Ҳиндистон)

ИНТЕР ЗОНАЛ ФИНАЛ
Интер зонал ярим финал ғолиби - "Ли Ман" (Гонгконг)

ОФК КУБОГИ-2021 ФИНАЛИ
Ғарбий минтақа финали ғолиби - Интер зонал финал ғолиби