06 дек 11:32
Янгиликлар
Футбол
Бугун Осиё чемпионлар лигасига қуръа ташланади
2018 йилги Осиё чемпионлар лигаси ва ОФК кубоги гуруҳ босқичига 6 декабрь куни Малайзия пойтахти Куала-Лумпур шаҳрида қуръа ташланади.
6 декабрь куни маҳаллий вақт билан соат 14:00да (Тошкентда 11:00 бўлади) ОФК кубоги гуруҳ босқичига қуръа ташланади. Малайзия вақти билан соат 16:30да (Тошкентда 13:30 бўлади) Осиё чемпионлар лигаси гуруҳ босқичига қуръа ташлаш жараёни бошланади.
Эслатиб ўтамиз, Ўзбекистоннинг фақат битта клуби 2018 йилги ОЧЛни гуруҳ босқичидан бошлайди. Яна икки клуб мусобақага плей-оффдан қўшилади.
Мамлакат чемпиони "Локомотив" клуби гуруҳ босқичига йўлланма олган. Плей-оффда эса "Насаф" ва "Пахтакор" клублари ўйнашади.
Ҳавола :
Манба : championat.asia
Фикрлар