Бугун ўзбек клублари Осиё чемпионлар лигасидаги юришини бошлайди

"Пахтакор" бу мавсум ўз тарихида 15-бор ОЧЛда иштирок этади. Бу жамоа 2002/2003 ҳамда 2004 йилги мавсумларда ярим финалга қадар етиб борган. "Пахтакор" ўзбек футболининг байроқдор жамоаларидан бири. Рақиб ҳам Ироқ тарихидаги энг номдор клублардан ҳисобланади.

"Эйр Форс" клубининг икки хил номи бор. Бу жамоани "Ал Қува Ал Жавия" деб ҳам аташади. "Эйр Форс" ўз тарихида тўртинчи марта ОЧЛда иштирок этяпти. Ўтган мавсум Ироқ чемпионатида иккинчи ўринни эгаллаши сабабли ОЧЛга йўлланма олди. Жамоа бунгача гуруҳдан чиқа олмаган, аммо ОФК кубогининг охирги уч йилдаги ғолиби ҳисобланади.

Кеча иккала жамоа бош мураббийлари ўйинолди матбуот анжуманида иштирок этишди. 

Шота Арвеладзе: "Янги мавсумга тайёрлаётган жамоамизни эртага мухлисларга кўрсатмоқчимиз"

"Эйр Форс" бош мураббийи: "Эртага стадионга келадиган мухлислар биз ғалаба қозонсак хафа бўлишмасин"

Осиё Чемпионлари Лигаси-2019
Иккинчи саралаш босқич
"Пахтакор" - "Эйр Форс"
12 февраль. Тошкент. "Пахтакор" стадиони, 15:00.
Ҳакамлар: Ким Хи Гон, Пак Санг Жун ва Пак Кюн Ён (учаласи Жанубий Корея)

Олмалиқ шаҳрининг АГМК футбол клуби 2018 йил Ўзбекистон Кубоги соҳиби сифатида ОЧЛ йўлланмасини қўлга киритди. Бу жамоа ОЧЛда дебютант ҳисобланади. 2008 йилдан бери Ўзбекистон олий лигасида ўйнаб келаётган жамоа 2004 йилда ташкил топган.

Бу жамоа Тожикистон миллий чемпионатида қаторасига 7 марта чемпионликни нишонлаган. "Истиқлол" ҳам ОЧЛда дебютант ҳисобланади, яъни бунгача клублар ўртасидаги қитъанинг энг нуфузли мусобақасида қатнашмаган. "Истиқлол" асосан ОФК Кубогида ўзини кўрсата олган ва 2016, 2017 йилги мавсумларда кетма-кет икки йил финалда ўйнаган.

Кеча иккала жамоа бош мураббийлари ўйинолди матбуот анжуманида иштирок этишди. 

Миржалол Қосимов: "Тўйдан олдин ноғора чалмайлик"

Ҳаким Фузайлов: "АГМКда ўзгаришлар жуда катта"

Осиё Чемпионлари Лигаси-2019
Иккинчи саралаш босқич
АГМК – “Истиқлол”
12 февраль, Олмалиқ. "ОКМК" стадиони. 16:00.
Ҳакамлар: Ким Донг Жин (Жанубий Корея), Лакриндис Жорж, Райан Марк Галлахер (иккиси Австралия), Дмитрий Машенцев (Қирғизистон)
Назоратчи: Жассим Муҳаммад Ал Хаил (Қатар)
Комиссар: Кемел Токабаев (Қирғизистон)