15 июн 12:27
Янгиликлар

Футбол

Бугун Ўзбекистон U-23 терма жамоаси финал йўлланмаси учун майдонга тушади

Бугун юртимиз мезбонлик қилаётган 23 ёшгача бўлган футболчилар ўртасидаги Осиё кубогида ярим финал учрашувлари бошланади.

Дастлабки ярим финал Австралия ва Саудия Арабистони терма жамоалари ўртасида соат 18:00да "Пахтакор" стадионида бошланади.

Иккинчи ярим финалда эса Ўзбекистон терма жамоаси Япония билан баҳс олиб боради. Учрашув соат 21:00да "Бунёдкор" стадионида бошланади. ЎФА хабарига кўра, терма жамоамиз бугун тўлиқ оқ рангли либосларда, дарвозабонимиз эса қора формада ҳаракат қилади.

Терма жамоамиз иштирокидаги ўйинга AFC қарорига кўра, мухлислар киритилмайди.