Бугун Шарофиддин ва Фарангизга мухлислик қиламиз

Бугун эркаклар -81, аёллар эса -63 кг вазн тоифасида жаҳон чемпионати медаллари ҳамда Токио Олимпиадаси йўлидаги муҳим рейтинг очколари учун татамига чиқадилар. Ўзбекистон шарафини бугунги беллашувларда Шарофиддин Болтабоев ва Фарангиз Ҳожиева ҳимоя қилади. 

Қуръа натижасига кўра, Болтабоев ўз иштирокини иккинчи даврадан бошлайди ва бу босқичда қатарлик Ҳалил Ребахига қарши татамига чиқади. Фарангиз эса биринчи даврада мадагаскарлик Лаура Расоанайво Разафи билан беллашади. Ғалаба қозонган тақдирда иккинчи даврада уни кореялик Хи Жу Ханга қарши баҳс олиб боради. Бугунги баҳслар ҳам Тошкент вақти билан соат 13:00да бошланади.