14 май 07:22
Янгиликлар

Шахмат

Бугун Синдаров иштирокидаги Grand Chess Tour: Super Chess Classic Romania 2026 старт олади

Теглар : Жавоҳир Синдаров Grand Chess Tour: Super Chess Classic Romania 2026

14-23 май кунлари Руминия пойтахти Бухарест шаҳрида мукофот жамғармаси 475 000 АҚШ долларини ташкил этувчи нуфузли турнир бошланади.

Мусобақада юқори рейтингга эга ўн нафар гроссмейстер бош соврин ҳамда катта мукофот пуллари учун баҳс олиб боради. Улар орасида "Номзодлар турнири" ғолиби Жавоҳир Синдаров ҳам бор. Бугун ҳамюртимиз 1-турда қора доналарда руминиялик Богдан-Даниэль Дикка қарши баҳс олиб боради.

Турнир 9 раунддан иборат бўлиб, айланма (round-robin) тизимда ўтказилади. Вақт назорати классик усулда 90 дақиқа (40 юриш учун)ни ташкил этади ва ҳар бир юришга 30 сониядан қўшиб берилади.

Grand Chess Tour: Super Chess Classic Romania 2026. 1-тур жуфтликлари

Йорден ван Форест (Нидерландия) — Фабиано Каруана (АҚШ)

Уэсли Со (АҚШ) — Винсент Кеймер (Германия)

Богдан-Даниэль Дик (Руминия) — Жавоҳир Синдаров (Ўзбекистон)

Рамешбабу Праггнанандҳа (Ҳиндистон) — Алиреза Фирузджа (Франция)

Максим Вашье-Лаграв (Франция) — Аниш Гири (Нидерландия)