13 ноя 11:09
Янгиликлар

Гандбол, Муайтай

Бугун VI Ислом бирдамлиги ўйинлари дастуридаги икки спорт турида иштирок этамиз

Саудия Арабистони пойтахти Ар-Риёд шаҳрида VI Ислом бирдамлиги ўйинлари давом этмоқда.

Бугун ўзбекистонлик спортчилар муай-тай ва гандбол бўйича баҳсларда иштирок этишади. Қўл тўпи усталаримиз аёллар ўртасидаги мусобақанинг гуруҳ босқич 1-турида қозоғистонлик дугоналарига қарши баҳс олиб боришади. Икки нафар муай-тайчимиз эса 1/2 финал жангларида рингга чиқишади.

Бугун иштирок этадиган спортчиларимиз:

14:30. Муай-тай (аёллар, 55 кг, ярим финал). Азиза Маъмурова - Зинеб Буҳмада (Иордания)

16:00. Ганбол (аёллар, Б гуруҳи, 1-тур). Ўзбекистон - Қозоғистон

19:45. Муай-тай (аёллар, 65 кг, ярим финал). Севара Дилмуродова - Бедиха Саҳин (Туркия)