Бугун Хуршид Тожибоев Алматида жанг қилади, у ҳам тарозидан ўтди + ФОТОГАЛЕРЕЯ

Балуан Шолак аренасида ўтказиладиган оқшомнинг қизиқарли кечиши кутилаётган жангларининг бирида Рио Олимпиадаси иштирокчиси Хуршид Тожибоев проф боксдаги тўртинчи жангида рингга кўтарилади. Ҳамюртимизнинг иккинчи ярим енгил вазн тоифасида ўтказиладиган жангдаги рақиби индонезиялик Исак Жуниор бўлади. 

Боксчилар кеча тарозидан ўтиш маросимида иштирок этди ва ҳар иккиси ҳам белгиланган вазн (60 кг) меъёрини бажарди. Тожибоев проф боксда ўтказган 3 та жангида ғалаба қозонган. Ҳисобида 2 та нокаут бор. 

Тажрибали Жуниор эса жами 42 та жангда рингга чиққан ва 26 та ғалабага эришган. Тўққизта жангда рақибларини нокаутга учратган. Ўн учта жангда мағлубият аламини тотиб кўрган, 6 та баҳсда ўзи нокаутга учраган. Учта жанг дуранг натижа билан якунланган.