25 май 10:20
Янгиликлар

Бошқалар, Футбол

Бугун ёшларимиз бронза медали учун майдонда саф тортишади

Бугун Таиланд пойтахти Бангкок шаҳрида давом этаётган футзал бўйича 20 ёшгача футзалчилар ўртасидаги Осиё чемпионатининг бронза медал совриндори маълум бўлади.

Кеча ярим финал учрашувида Ироқ терма жамоасига 1:5 ҳисобида имкониятни бой берган футзалчиларимиз бугун бронза медали учун майдонга тушишади. Терма жамоамизга мусобақа мезбонлари - таиландлик футзалчилар рақиблик қилишади.

Эртага эса илк маротаба ўтказилаётган Осиё чемпионатининг чемпиони ва вице-чемпиони аниқланади. “Олтин ўйин”да Эрон ва Ироқ терма жамоалари майдонда саф тортишади.

Маълумот учун, финал ўйини натижасидан қатъий назар, ҳар иккала жамоа ҳам келаси йили Аргентинада ўтказиладиган Ёшлар олимпиадасида иштирок этиш ҳуқуқини қўлга киритишган.