14 июн 09:12
Янгиликлар

Футбол

"Бунёдкор" - "Насаф" учрашуви "Миллий"да бўлмайди

16 июнь куни Ўзбекистон Суперлигасининг 11-турида "Бунёдкор" клуби ўз майдонида "Насаф"ни қабул қилади.

Олдинроқ ушбу ўйиннинг "Миллий" стадионида бўлиб ўтиши эълон қилинган эди. Ўзбекистон - Сурия учрашуви вақтида стадион анонсери бу ҳақда баралла эълон қилганди. Бироқ кутилмаганда баҳс ТТЙМИ стадионига кўчирилди.

Майдон чими алмаштирилгани боис "Бунёдкор" клуби 2019 йилги мавсум бошидан буён ўз уй ўйинларни бошқа стадионларда ўтказиб келмоқда. Июнь ойида Ўзбекистон терма жамоаси "Миллий" стадионида иккита ўртоқлик учрашуви ўтказди. Ҳар иккала баҳс давомида майдон чими кўчиб кетиш ҳолатлари жуда кўп учради.